- 歌词
- 专辑列表
- 歌手介绍
郑进一
-
练疯话
作词:郑进一/陈维祥 作曲:郑进一 编曲:张乃仁
黑话 白话 长话 短话 三八话 咱著不通讲讲彼多 真话 假话 轻话 重话 好歹话 咱是抹驶乱乱话 三话 四话 七话 八话 白贼话 彼甲我一点仔嘛无关系 土话 粗话 太戈话 听叼到底 那唉忧啊伊都哎忧喂
生话 过话 多话 厚话 四界话 这款的人看着就嗟 传话 带话 寄话 放话 枚角话 讲了不好是相杀话 抢话 插话 睬话 参话 外行话 会乎人当作神经病 闲话 废话 拉萨话 听叼到底 那唉忧伊都哎忧喂
喂 那会无人治块讲话 喂 是按怎不讲话 喂 你甲恁爸挂电话 真正是 那唉忧啊伊都哎忧喂
暗话 僻话 禁话 呛话 兄弟话 我尚古意拢学不会 甜话 蜜话 情话 对话 西乃话 上好是大家搂咧讲归瞑 酒话 醉话 气话 憨话 伤心话 这你著爱去问江惠 毒话 逆话 囝仔话 听叼到底 那唉忧啊伊都哎忧喂
应话 答话 转话 迺话 无聊话 我一句讲嘛不晓话 笑话 大话 屁话 鬼话 凸风话 若讲这我著不够格 要话 不话 有话 无话 什么话 上有水准是台湾话 你话 我话 练疯话 听叼到底 那唉忧啊伊都哎忧喂 喂 那会无人治块讲话 喂 你嘛就赶紧讲话 喂 你怎会拢不爱讲话 真正是 那唉忧啊伊都哎忧喂
------------------------------------------
18623/《练痟话》Liān-siáu-uē 郑进一Tēnn Tsìn-it
乌话白话 oo-uē pe̍h-uē 长话短话 tn̂g-uē té-uē 三八话 sam-pat-uē 咱著毋通讲讲遐济 lán tio̍h m̄-thang kóng-kóng hiah tsē
真话假话 tsin-uē ké-uē 轻话重话 khin-uē tang-uē 好歹话 hó-pháinn-uē 咱是袂使乱乱话 lán sī bē-sái luān-luān uē
三话四话 sann-uē sì-uē 七话八话 tshit-uē peh-uē 白贼话 pe̍h-tsha̍t-uē 彼佮我 he kah guá 一点仔都无关系 tsi̍t-tiám-á to bô-kuan-hē
土话粗话 thóo-uē tshoo-uē 癞话 thái-ko-uē 听落到地 thiann lo̍h kàu-tè 哪嗳唷啊咿嘟哎哟喂 nah-aih-iooh ah ih-tooh ai-iō-uê
生话过话 senn-uē kuè-uē 济话厚话 tsē-uē kāu-uē 四界话 sì-kè uē 这款的人 tsit khuán ê lâng 看着就戚 khuànn-tio̍h tō tsheh
传话带话 thuân-uē tuà-uē 寄话放话 kià-uē pàng-uē 铓角话 mê-kak-uē 讲了无好 kóng liáu bô-hó 是相杀话 sī siong-sat-uē
抢话插话 tshiúnn-uē tshah-uē 插话掺话 tshap-uē tsham-uē 外行话 guā-hâng-uē 会予人 ē hōo-lâng 当做神经病 tòng-tsuè sîn-king-pēnn
闲话废话 îng-uē huì-uē 垃圾话 lah-sap-uē 听落到地 thiann lo̍h kàu-tè 哪嗳唷啊咿嘟哎哟喂 nah-aih-iooh ah ih-tooh ai-iō-uê
喂 更多更详尽歌词 在 ※ Mojim.com 魔镜歌词网 uê 欸?哪会无人伫咧讲话 eh? ná-ē bô-lâng tī-teh kóng-uē 喂喂 uê uê 是按怎毋讲话 sī-án-tsuánn m̄ kóng-uē 喂喂喂 ueh ueh ueh 你共恁爸挂电话 lí kā lín-pē kuà-tiān-uē 真正是 tsin-tsiànn sī 哪嗳唷啊咿嘟哎哟喂 nah-aih-iooh ah ih-tooh ai-iō-uê
暗话僻话 àm-uē phiah-uē 禁话唱话 kìm-uē tshiàng-uē 兄弟话 hiann-tī-uē 我伤古意 guá siunn kóo-ì 拢学袂会 lóng o̍h buē-ē
甜话蜜话 tinn-uē bi̍t-uē 情话对话 tsîng-uē tuì-uē 司奶话 sai-nai uē 上好是逐家揽咧 siōng-hó sī ta̍k-ke lám--leh 讲规暝 kóng kui-mê
酒话醉话 tsiú-uē tsuì-uē 气话戆话 khì-uē gōng-uē 伤心话 siong-sim-uē 这你著爱去问江蕙 tse lí tio̍h-ài khì mn̄g Jiāng Huì
毒话逆话 to̍k-uē gi̍k-uē 囡仔话 gín-á-uē 听落到地 thiann lo̍h kàu-tè 哪嗳唷啊咿嘟哎哟喂 nah-aih-iooh ah ih-tooh ai-iō-uê
应话答话 ìn-uē tap-uē 转话踅话 tńg-uē se̍h-uē 无聊话 bô-liâu-uē 我一句讲嘛袂晓话 guá tsi̍t-kù kóng mā bē-hiáu uē
笑话大话 tshiò-uē tuā-uē 屁话鬼话 phuì-uē kuí-uē 膨风话 phòng-hong-uē 若讲我 nā kóng guá 这就无够格 tse tō bô-kàu keh
欲话毋话 beh uē m̄ uē 有话无话 ū uē bô uē 啥物话 siánn-mih uē 上有水准 siōng ū tsuí-tsún 是台湾话 sī Tâi-uân-uē
你话我话 lí uē guá uē 练痟话 liān-siáu-uē 听落到地 thiann lo̍h kàu-tè 哪嗳唷啊咿嘟哎哟喂 nah-aih-iooh ah ih-tooh ai-iō-uê
喂 uê 嗯?哪会无人伫咧讲话 ngh? ná-ē bô-lâng tī-leh kóng-uē 啊喂喂喂 ah uê uê uê 你嘛著赶紧讲话 lí mā to̍h kuánn-kín kóng-uē 喂喂 uê uê 你哪会拢无爱讲话 lí ná-ē lóng bô-ài kóng-uē 啊真正是 ah tsin-tsiànn sī 哪嗳唷啊咿嘟哎哟喂 nah-aih-iooh ah ih-tooh ai-iō-uê
喂! 啊人都哑口 ueh! ah lâng to é-káu 你硬叫人讲话 lí ngē kiò lang kóng-uē
- 感谢 W.B. Chen 修正歌词
- 友站连结: W.B. Chen
|