- 歌词
- 专辑列表
- 歌手介绍
刘福助
-
一年换二十四个头家
人说哩福无双至 祸不单行 想着心肝凝啊心肝凝 那要说我人坏运 无人比我恰搅轮 初出洞门赌意志啊 那无成功不蹬去 堂堂踏入台北市 若最头路满满是 谁知一找十外天 白白浪费找无康喔 嘎在登著阮阿姨婴叔公的丈人 给我闲 介绍我去运送店 薪水多少我不嫌 不过头家人太咸 又搁整日碎碎念ㄚ碎碎念 透早呀念到一半暝 甘嘛气嘛气半死 一时恼到不忍耐 惨惨跳出来
然后呀 走去做小工 甘愿屈首做粗重 无疑做没一礼拜 头家看我汉草坏叫我明天不要来 这款工作很不保 煞了餐厅做跑桌 碰到一个龟龟鳖鳖 多不说要什咪 甘担给我一直站 我站半天不出声 看到怨叹起怨怼 人客甘是哑巴 跟他比手尬偎刀 他煞给我醮给我侧 说我无礼貌 去给头家倒加倒
害我头路煞黑有 看破工厂做黑手 黑手师傅人盖好 声声句句给我疴乐 说我呀人老实又认真 听着心头轻 按什这次赞 头路一定安 无疑工厂煞破产 煞破产 想到人著懒
甜的没吃心先酸 甘愿走去摸油汤 油汤头路很歹吃 透早到晚一直站 站到脚酸肿脚湿 透早到晚心茫茫 坐落椅子要歇息 头ㄟ骂我这派款 一声头路给我辞 叫我回去吃自己
煞落尬伊学师公 师公帽著嘎戴 鞋子杉裤著嘎穿 铃铛啊著铃铃弄弄 咒语念没通 牛角吹无风 咒语念麦来 干脆唱那条刘福助的落下骸 无疑庙公气到嘴歪歪 目眉卓倒栽 扫手给我不出来
做来做来多吃亏 煞落去剃头做车V 车V叫我烧山兼落龙 落龙没落龙 目眉给人剃一边 人客啊骂我这抠形 我著好嘴给求情 叫我头张吹给干 我给他吹到臭火干 人客生气请搁辞 我就春廖不要卡给钱 人客笑嘻嘻 头壳摸摸走出去 才知头张剃到春两只 理发厅长直摇头 说我人无效 一声叫我走 想着强要号 强要号
每样我多做不成 气到走去驶计程 驶计程要识路草 人客说要去大桥头 我给驶去到北投 人叫我要去迪化街 我给他驶去外双溪 想到驶车也不软 看破尬到来去返
越想越ㄟ忧愁 就跟人学打手 是要演那个电视剧 要做打 手人软弱 录影开始 打倒爬不起 昏倒半小时 公司著了彼落医药钱 导演仙算搁算不合台 叫我回去保养甲搁来
想着ㄟ脸著黑 看破回来去吃那个番薯块 回来去吃那个番薯块
-------------------------------------------------
618/《一年换二十四个头家》Tsi̍t-nî Uānn Jī-tsa̍p-sì ê Thâu-ke 刘福助Lâu Hok-tsōo ------------------------------------------ 人讲欸 lâng kóng--eh 福无双至 hok bû siang tsì 祸不单行 hō put tan hîng 想着心肝凝啊 siūnn-tio̍h sim-kuann gîng--ah 心肝凝 sim-kuann gîng
若欲讲 nā beh kóng 我人歹运 guá lâng pháinn-ūn 无人比我较齐匀 bô-lâng pí guá khah tsiâu-ûn 初出洞门 tshoo tshut tōng-mn̂g 赌意志啊 tóo ì-tsì--ah 若无成功毋转去 nā bô sîng-kong m̄ tńg--khì 堂堂踏入台北市 tông-tông ta̍h-ji̍p Tâi-pak-tshī 掠做头路满满是 lia̍h-tsuè thâu-lōo muá-muá-sī 谁知一揣十外工 siáng tsai tsi̍t-tshuē tsa̍p-guā kang 白白浪费 pe̍h-pe̍h lōng-huì 揣无空喔 tshuē-bô khang--ooh
佳哉搪著阮阿姨 ka-tsài tn̄g tio̍h gún a-î 怹叔公的丈人 in tsik-kong ê tiūnn-lâng 嘿共我喊 heh kā guá hiàm 介绍我去运送店 kài-siāu guá khì ūn-sàng-tiàm 薪水偌济我无嫌 sin-suí guā-tsē guá bô hiâm 毋过头家人太咸 m̄-koh thâu-ke lâng thài kiâm 又阁规日踅踅唸啊 iū-koh kui-ji̍t se̍h-se̍h-liām--ah 踅踅唸 se̍h-se̍h-liām
透早欸 thàu-tsá--eh 唸到一半暝 liām kàu tsi̍t-puànn-mî 干焦气嘛气半死 kan-tann khì mā khì puànn-sí 一时恼著袂忍耐 tsi̍t-sî náu--tio̍h bē jím-nāi 残残跳出来 tshân-tshân thiàu--tshut-lâi
了后欸 liáu-āu--eh 走去做小工 tsáu-khì tsuè sió-kang 甘愿屈首做粗重 kam-guān khut-siú tsuè tshoo-tāng 无疑做无一礼拜 bô-gî tsò bô tsi̍t lé-pài 头家看我汉草䆀 thâu-ke khuànn guá hàn-tsháu bái 叫我“明天不要来” kiò guá míngtiān búyào lái
这款工课 tsit khuán khang-khuè 真无补喔 tsin bô-póo--ooh 绁落去 suà--lo̍h-khì 餐厅做走桌 tshan-thiann tsuè tsáu-toh 拄著一个龟龟鳖鳖 tú tio̍h tsi̍t-ê ku-ku-pih-pih 拢毋讲欲爱啥物 lóng m̄-kóng beh ài siánn-mi̍h 干焦予我直直徛 kan-tann hōo guá ti̍t-ti̍t khiā 我徛半工毋出声 guá khiā puànn-kang m̄ tshut-siann 看着怨叹起怨戚 khuànn-tio̍h uàn-thàn khí uàn-tshueh 人客敢是哑口 lâng-kheh kám sī é-káu 佮伊比手佮画刀 kah i pí-tshiú kah uē-to 伊煞共我挢 i suah kā guá kiāu 嘿共我𧮙 heh kā guá tshoh 讲我无礼貌 kóng guá bô lé-māu 去共头家投 khì kā thâu-ke tâu 共投 kā tâu
害我头路煞乌有 hāi guá thâu-lōo suah oo-iú 看破工场做乌手 khuànn-phuà kang-tiûnn tsuè oo-tshiú 乌手师傅人盖好 oo-tshiú sai-hū lâng kài hó 声声句句共我呵咾 更多更详尽歌词 在 ※ Mojim.com 魔镜歌词网 siann-siann-kù-kù kā guá o-ló 讲我欸 kóng guá--eh 人老实阁认真 lâng láu-si̍t koh jīn-tsin 听着心头轻 thiann--tio̍h sim-thâu khin 按算这摆赞 àn-sǹg tsit-pái tsán 头路一定安 thâu-lōo it-tīng an 无疑工场煞破产 bô-gî kang-tiûnn suah phò-sán 煞破产 suah phò-sán 想着人齐懒 siūnn-tio̍h lâng tsiâu lán
甜的未食心先酸 tinn--ê buē tsia̍h sim sing sng 甘愿走去摸油汤 kam-guān tsáu-khì bong iû-thng 油汤头路真歹食 iû-thng thâu-lōo tsin pháinn-tsia̍h 透早到暗一直徛 thàu-tsá kàu àm it-ti̍t khiā 徛到跤酸肿跤胴 khiā kàu kha sng tsíng kha-tâng 透早到暗心茫茫 thàu-tsá kàu-àm sim bâng-bâng 坐落去椅仔欲歇困 tsē lo̍h-khì í-á beh hioh-khùn 头的骂我遮歹款 thâu--ê mā guá tsiah pháinn-khuán 一声头路共我辞 tsi̍t-siann thâu-lōo kā guá sî 叫我转去食家己喔 kiò guá tńg-khì tsia̍h-ka-kī--ooh
绁落去佮伊学司公 suà--lo̍h-khì kah i o̍h sai-kong 司公帽仔就共戴 sai-kong bō-á tiō kā tì 鞋仔衫裤就共穿 ê-á sann-khòo tiō kā tshīng 玲瑯仔就共玲玲瑯瑯 lin-long-á tiō kā lin-lin-long-long
咒语念袂通 tsiù-gí liām bē thong 牛角是歕无风 gû-kak sī pûn-bô hong 咒语念袂来 tsiù-gí liām bē-lâi 规气唱彼条 kui-khì tshiùnn hit tiâu 刘福助的落下颏 Lâu Hok-tsōo ê Làu-ē-hâi 无疑庙公气甲喙歪歪 bô-gî biō-kong khì kah tshuì uai-uai 目眉倒头栽 ba̍k-bâi tò-thâu-tsai 扫帚共我抔出来 sàu-tshiú kā guá put--tshut-lâi
做来做去拢食亏 tsò-lâi tsò-khì lóng tsia̍h-khui 绁落去剃头做斜癗 suà--lo̍h-khì thì-thâu tsò tshiâ-lui 斜癗叫我 tshiâ-lui kiò guá 共烧山兼落龙 kā sio-suann kiam làu-lîng 落龙未落龙 làu-lîng buē làu-lîng 目眉共人剃一爿 ba̍k-bâi kā lâng thì tsi̍t-pîng 人客啊骂我 lâng-kheh--ah mā guá 遮酷刑 tsiah khok-hîng 我就好喙共求情 guá tō hó-tshuì kā kiû-tsîng
叫我头鬃吹予伊焦 kiò guá thâu-tsang tshue hōo i ta 我共吹甲臭火焦 guá kā tshue kah tshàu-hué-ta 人客受气 lâng-kheh siūnn-khì 请佮辞 tshiánn kah sî 我就存了 guá tō tshûn liáu 无爱共挈钱 bô-ài kā khe̍h tsînn 人客笑嘻嘻 lâng-kheh tshiò hi-hi 头壳摸摸咧 thâu-khak bong-bong--eh 行出去 kiânn--tshut-khì 才知头鬃 tsiah tsai thâu-tsang 剃甲䞐两枝 thì kah tshun nn̄g-ki
理发厅长直摇头啊 lí-huat-thiann-tiúnn ti̍t iô-thâu--ah 讲我人无效 kóng guá lâng bô-hāu 一声叫我走 tsi̍t-siann kiò guá tsáu 想着强欲吼 siūnn-tio̍h kiōng-beh háu 强欲吼 kiōng-beh háu
逐项我都做袂成 ta̍k-hāng guá to tsò bē-sîng 气著走去驶计程 khì--tio̍h tsáu-khì sái kè-tîng 驶计程爱捌路草 sái kè-tîng ài bat lōo-tsháu 人客讲欲去大桥头 lâng-kheh kóng beh khì Tuā-kiô-thâu 我共驶去到北投 guá kā sái khì kàu Pak-tâu 人叫我欲去迪化街 lâng kiò guá beh khì Ti̍k-huà-ke 我共驶去到外双溪 guá kā sái khì kàu Guā-siang-khe 想着驶车也无软 siūnn-tio̍h sái-tshia iā bô-nńg 看破敢若著来去转 khuànn-phuà kánn tio̍h lâi-khì tńg
愈想欸 jú siūnn--eh 愈忧愁 jú iu-tshiû 就按呢 tsiū-án-ne 去佮人学拍手 khì kah lâng o̍h phah-tshiú 是欲演彼号电视剧 sī beh ián hit-lō tiān-sī-kio̍k 欲做拍手 beh tsò phah-tshiú 阁人软弱 koh lâng luán-jio̍k 录影开始 lo̍k-iánn khai-sí 拍倒袂起 phah-tó peh bē-khí 昏倒半小时 hūn-tó puànn sió-sî 公司著了彼号医药钱 kong-si tio̍h liáu hit-lō i-io̍h tsînn 导演仙算阁袂合台 tō-ián sian sǹg koh buē ha̍h-tâi 叫我转去保养才阁来 kiò guá tńg-khì pó-ióng tsiah koh lâi
想着欸 siūnn tio̍h--eh 面就乌 bīn tiō oo 看破转来去 khuànn-phuà tńg-lâi-khì 食彼号番薯箍 tsia̍h hit-lō han-tsî-khoo 转来去 tńg-lâi-khì 食彼号番薯箍 tsia̍h hit-lō han-tsî-khoo
- 感谢 W.B. Chen 修正歌词
- 友站连结: W.B. Chen
|