- 歌词
- 专辑列表
凤娘
-
牵手情 (伴奏)
8822/《牵手情》Khan-tshiú Tsîng 张艾莉Tiunn Ngāi-lī(凤娘Hōng-niû)
一张无字的批信 tsi̍t-tiunn bô jī ê phue-sìn 囥身边欲五十年 khǹg sin-pinn beh gōo-tsa̍p nî 想起伊 siūnn-khí i 阿公总是淡薄仔伤悲 a-kong tsóng-sī tām-po̍h-á siong-pi 年岁欲尽 nî-huè beh tsīn 犹原深情 iu-guân tshim-tsîng
彼张无字的批信 hit tiunn bô jī ê phue-sìn 留着一阵伊的气味 lâu tio̍h tsi̍t-tsūn i ê khì-bī 风吹时 hong tshue sî 阿公会当做伊伫身边 a-kong ē tàng-tsuè i tī sin-pinn 毋愿讲起彼段 m̄-guān kóng-khí hit tuānn 断线的情 tn̄g-suànn ê tsîng
更多更详尽歌词 在 ※ Mojim.com 魔镜歌词网 双人日思夜梦 siang-lâng ji̍t-su iā-bāng 疼惜的牵手情 thiànn-sioh ê khan-tshiú tsîng 为著世情来牺牲 uī-tio̍h sè-tsîng lâi hi-sing 毋知看过 m̄-tsai khuànn-kuè 偌济无缘的签诗 guā-tsuē bô-iân ê tshiam-si 夜夜怨叹人生 iā-iā uàn-thàn jîn-sing 受天创治 siū thinn tshòng-tī
世间幸福情人 sè-kan hīng-hok tsîng-jîn 爱疼惜牵手情 ài thiànn-sioh khan-tshiú tsîng 毋通随意放弃 m̄-thang suî-ì hòng-khì 有人温暖相依 ū-lâng un-luán siong-i 有人冷淡空虚 ū-lâng líng-tām khang-hi 感谢伊伫你身边 kám-siā i-tī lí sin-pinn
- 感谢 W.B. Chen 提供歌词
- 友站连结: W.B. Chen
|