- 专辑介绍
- 歌词
- 专辑列表
- 歌手介绍
随性乐团
-
心内的歌(Song In Mind)
作词:叶倬宇 作曲:叶倬宇
我的天顶现在是彩色 但是我今仔日跑不出去 目眶红红越看越多 莫名其妙想要放屎 心内的声音 头壳的声音 越跑越远是越来越远 人生的命运 过去的情份 吵吵闹闹 实在不认份 现在的青红灯在闪啥 我不知 选择的路途歹行 是我爽我甘愿 是安怎腹肚来的心酸没人理 一个人在厝里看着电视哭悲哀 转来转去 翻来翻去 看到电视哭悲哀
有一天啊~等到那一天啊~社会会改变 人生也不同 有一天啊~等到那一天啊
现在的青红灯在闪啥 我不知 选择的路途歹行 是我爽我甘愿 是安怎腹肚的来心酸没人理 放在心内的歌 你就要唱出声啊~ 心内的歌就要唱出声 心内的话就要讲给你听
------------------------------------------
《心内的歌》Sim-lāi ê Kua 随性乐团Suî-sìng Ga̍k-thuân
我的天顶这马是彩色 guá ê thinn-tíng tsit-má sī tshái-sik 但是我今仔日走袂出去 tān-sī guá kin-á-ji̍t tsáu buē tshut-khì 目箍红红愈看愈济 ba̍k-khoo âng-âng jú khuànn jú tsē 莫名其妙想欲放屎 bo̍k-bîng-kî-miāu siūnn-beh pàng-sái
心内的声音 sim-lāi ê siann-im 头壳的声音 thâu-khak ê siann-im 愈走愈远 jú tsáu jú hn̄g 是愈来愈远 sī jú lâi jú hn̄g 人生的命运 jîn-sing ê miā-ūn 过去的情份 kuè-khì ê tsîng-hūn 吵吵闹闹 tshá-tshá-nāu-nāu 实在无认份 si̍t-tsāi bô jīn-hūn
这马的青红灯咧闪啥 tsit-má ê tshenn-âng-ting tih siám siánn 我毋知 guá m̄-tsai 选择的路途歹行 suán-ti̍k ê lōo-tôo pháinn-kiânn 是我爽我甘愿 sī guá sóng guá kam-guān 是按怎 sī-án-tsuánn 腹肚内的心酸 更多更详尽歌词 在 ※ Mojim.com 魔镜歌词网 pak-tóo-lāi ê sim-sng 无人插 bô-lâng tshap
一个人伫咧厝里 tsi̍t-ê-lâng tī-leh tshù--lìn 看着电视哭悲哀 khuànn-tio̍h tiān-sī khàu pi-ai
踅来踅去 se̍h-lâi se̍h-khì 反来反去 píng lâi píng khì 看着电视哭悲哀 khuànn-tio̍h tiān-sī khàu pi-ai 踅来踅去 se̍h-lâi se̍h-khì 反来反去 píng lâi píng khì 看着电视哭悲哀 khuànn-tio̍h tiān-sī khàu pi-ai
有一工啊 ū tsi̍t-kang--ah 等到彼一工啊 tán-kàu hit tsi̍t-kang--ah 社会咧改变 siā-huē tih kái-piàn 人生嘛无仝 jîn-sing mā bô-kāng 有一工啊 ū tsi̍t-kang--ah 等到彼一工啊 tán-kàu hit tsi̍t-kang--ah
这马的青红灯咧闪啥 tsit-má ê tshenn-âng-ting tih siám siánn 我毋知 guá m̄-tsai 选择的路途歹行 suán-ti̍k ê lōo-tôo pháinn-kiânn 是我爽我甘愿 sī guá sóng guá kam-guān 是按怎 sī-án-tsuánn 腹肚内的心酸 pak-tóo-lāi ê sim-sng 无人知 bô-lâng tsai
伫咧心内的歌 tī-leh sim-lāi ê kua 你著爱唱出声啊 lí to̍h-ài tshiùnn tshut-siann--ah 心内的歌 sim-lāi ê kua 著爱唱出声 to̍h-ài tshiùnn tshut-siann 心内的话 sim-lāi ê uē 著爱讲予恁听 to̍h-ài kóng hōo lín thiann
心内的歌 sim-lāi ê kua 著爱唱出声 to̍h-ài tshiùnn tshut-siann 心内的话 sim-lāi ê uē 著爱讲予恁听 to̍h-ài kóng hōo lín thiann
- 感谢 W.B. Chen 修正歌词
- 友站连结: W.B. Chen
|