- 歌詞
- 專輯列表
文鳳文鶯
-
快樂的小姑娘
《快樂的小姑娘》Kuài-lo̍k ê Sió-koo-niû
文鶯Bûn-ing
阮厝邊一个小姑娘
gún tshù-pinn tsi̍t-ê sió-koo-niû
青春美麗又可愛
tshing-tshun bí-lē iū khó-ài
每日攏是咧唸歌
muí-ji̍t lóng-sī teh liām-kua
伊的歌聲甜又可愛
i ê kua-siann tinn iū khó-ài
快樂唱歌小姑娘
khuài-lo̍k tshiùnn-kua sió-koo-niû
輕鬆輕鬆閣再輕鬆
khin-sang khin-sang koh-tsài khin-sang
全然毋知啥叫袂爽快
tsuân-jiân m̄-tsai siánn kiò buē sóng-khuài
有一日看著小姑娘
ū-tsi̍t-ji̍t khuànn-tio̍h sió-koo-niû
妝甲遐媠咧微笑
tsng kah hiah suí teh bî-tshiò
大概欲去坐汽車
tāi-khài beh khì tsē khì-tshia
佮人參加唱歌比賽
kah lâng tsham-ka tshiùnn-kua pí-sài
快樂唱歌小姑娘
khuài-lo̍k tshiùnn-kua sió-koo-niû
輕鬆輕鬆閣再輕鬆
khin-sang khin-sang koh-tsài khin-sang
提著冠軍實在真爽快
the̍h tio̍h kuan-kun si̍t-tsāi tsin sóng-khuài
更多更詳盡歌詞 在 ※ Mojim.com 魔鏡歌詞網
這擺阮彼个小姑娘
tsit-pái gún hit ê sió-koo-niû
天天拍拚練歌唱
thian-thian phah-piànn liān kua-tshiùnn
實在伊是𠢕唸歌
si̍t-tsāi i sī gâu liām-kua
有人叫伊去灌唱片
ū-lâng kiò i khì kuàn tshiùnn-phìnn
快樂唱歌小姑娘
khuài-lo̍k tshiùnn-kua sió-koo-niû
輕鬆輕鬆閣再輕鬆
khin-sang khin-sang koh-tsài khin-sang
人人都知伊是真爽快
lâng-lâng to tsai i sī tsin sóng-khuài
有人講這个小姑娘
ū-lâng kóng tsit ê sió-koo-niû
為何只有練歌唱
uī-hô tsí-ū liān kua-tshiùnn
毋知伊有好模樣
m̄-tsai i ū hó bôo-iūnn
應該也著去拍影片
ìng-kai iā tio̍h khì phah iánn-phìnn
快樂唱歌小姑娘
khuài-lo̍k tshiùnn-kua sió-koo-niû
輕鬆輕鬆閣再輕鬆
khin-sang khin-sang koh-tsài khin-sang
若會成功才是真爽快
nā ē sîng-kong tsiah-sī tsin sóng-khuài
- 感謝 W.B. Chen 提供歌詞
- 友站連結： W.B. Chen
|
